Վիգեն Սարգսյան
Արդեն երկրորդ անգամ է, որ ՀՀ նախագահ Սերժ Սարգսյանի հանձնարարությամբ` Հայաստանը, համագործակցելով ՌԴ-ի հետ, կազմակերպում է մարդասիրական օգնության առաքումը Սիրիա։
«Հայաստանը շատ լավ է հիշում, որ հենց Սիրիայի ժողովուրդն է եղել, որ մեկ դար առաջ հայ ժողովրդին բաժին հասած արհավիրքի ժամանակ բացեց դռներն ու հյուրընկալեց հայերին։ Հուսով ենք, որ Սիրիայում օր առաջ խաղաղություն կհաստատվի, և մարդիկ բնականոն կյանք կվերադառնան։ Բայց մինչ այդ մենք շարունակելու ենք աջակցել Սիրիայի ժողովրդին»,- ասաց պաշտպանության նախարար Վիգեն Սարգսյանը։
Ըստ նրա` մարդասիրական օգնությունն ազգային պատկանելություն չի ճանաչում։
«Մենք կուզենք, որ այս օգնությունը հավասարաչափ բաշխվի նրանց, որոնք այսօր դրա կարիքն ունեն»,- ասաց նախարարը։
