ԵՐԵՎԱՆ, 14 փետրվարի — Sputnik. ԱՄՆ կոնգրեսի հայկական հարցերով զբաղվող հանձնաժողովի անդամները, որոնց թվում են հայտնի կոնգրեսականներ Ադամ Շիֆը և Ֆրենք Պալոնեն, նամակ են պատրաստել ԱՄՆ-ի նախագահ Դոնալդ Թրամփի անունով, հաղորդում է Ամերիկայի հայ դատի հանձնախումբը (ANCA):
Ամերիկյան օրենսդիրները կոչ են անում Սպիտակ տան ղեկավարին վերջ դնել Հայոց ցեղասպանության ժխտման քաղաքականությանը և ապրիլի 24-ը հայտարարել հայ ժողովրդի դեմ գործած հանցագործության զոհերի հիշատակի օր։
Կոնգրեսի ներկայացուցիչները կարծում են, որ Հայոց ցեղասպանության ճանաչումը հարգանքի տուրք կլինի անմեղ զոհերի հիշատակին, ինչպես նաև աջակցություն ամերիկահայերին, որոնք երկար տարիներ աշխատել են հանուն ԱՄՆ-ի բարօրության։
