ԵՐԵՎԱՆ, 12 փետրվարի — Sputnik. RT հեռուստաալիքի և Sputnik գործակալության գլխավոր խմբագիր Մարգարիտա Սիմոնյանը մի քանի գործնական խորհուրդներ է տվել ԱՄՆ Կենտրոնական հետախուզական վարչությանը, թե ինչպես թույլ չտալ Ռուսաստանի՝ նորմալ երկիր լինելու փաստի ընկալուը:
«Արևմտյան վերնախավի մեծ մասի համար այն միտքը, որ Ռուսաստանը նորմալ երկիր է, այնքան վայրի է, որքան միտքն այն մասին, որ Երկիրը քառակուսի է: Մարդը, որը հրապարակավ հայտարարություն է անում Ռուսաստանի նորմալության մասին՝ կա՛մ հիմար է, կա՛մ սադրիչ, կա՛մ էլ երկուսն իրար հետ»,- գրել է Սիմոնյանը Livejournal-ում իր բլոգում:
Նրա խոսքով՝ վերնախավը պայքարում է նրա համար, որպեսզի թույլ չտա ԱՄՆ նախագահ Դոնալդ Թրամփին՝ ընդունել Ռուսաստանի նորմալ երկիր լինելը:
«Հնարավոր է՝ նա այդպիսի փորձեր չանի, բայց նա առնվազն այդ մասին հայտարարել է, իսկ դա արդեն անցնում է թույլատրելիի սահմանները»,- ասել է Սիմոնյանը:
Սիմոնյանը նշել է, որ կցանկանար մի քանի գործնական խորհուրդներ տալ «ԿՀՎ կոլեկտիվին», թե ինչպես թույլ չտալ Ռուսաստանի՝ նորմալ լինելու հանգամանքն ընդունելը: Մասնավորապես, նա խորհուրդ է տալիս ամերիկյան հետախուզությանը՝ չմոռանալ հիշեցնել մարդկանց ռուս հաքերների, «RT-ի և Sputnik-ի նենգության», ինչպես նաև այն մասին, որ Թրամփը Ռուսաստանին բռի մեջ է պահում և «ամեն ինչի մասին պայմանավորվել է Պուտինի հետ»:
«Բայց ավելի լավ է՝ ինչ-որ մեկին հարված հասցնել, ընդ որում՝ շատ դիպուկ: Կարծում եմ՝ դուք սովորեցնելու կարիք չունեք»,- գրել է գլխավոր խմբագիրը՝ հավելելով, որ այդ արտահայտությունը ծաղրական համատեքստում է օգտագործվել և նա կոչ չի անում ամերիկյան հատուկ ծառայություններին՝ ինչ-որ մեկին սպանել:
Ավելի վաղ երեք առաջատար բրիտանական ԶԼՄ-ներ՝ BBC հեռուստաալիքը. Times հրատարակությունը և Independent-ը, միաժամանակ հոդվածներ են հրապարակել Sputnik գործակալության գործունեության մասին՝ դիմելով ՆԱՏՕ-ի օգնությանը և կրկնելով քարոզչության մեջ մեղադրանքներ, բայց չեն բերել հիմնավորված ապացույցներ:
