ԵՐԵՎԱՆ, 12 փետրվարի — Sputnik. Գերմանիայի նախագահ է ընտրվել ԱԳ նախկին նախարար, սոցիալ-դեմոկրատ Ֆրանկ-Վալտեր Շթայնմայերը: Նրա թեկնածության օգտին քվեարկել է 931 մարդ, քվեարկությանը մասնակցել է Դաշնային խորհրդի 1 239 գործող մասնակից: Ընտրվելու համար Շթայնմայերը պետք է առաջին փուլում հավաքեր 631 ձայն, հաղորդում է ՌԻԱ Նովոստին:
Շթայնմայերը հենց սկզբից պետության ղեկավարի գլխավոր թեկնածուն էր համարվում: Գործող նախագահ Յոահիմ Գաուկը հրաժարվել էր նոր ժամկետով առաջադրել թեկնածությունը՝ վկայակոչելով տարիքը. նա 77 տարեկան է:
Շթայնմայերին արդեն շնորհավորել են համաշխարհային գերտերությունների ղեկավարները: Ռուսաստանի նախագահ Վլադիմիր Պուտինն իր շնորհավորական ուղերձում «հաստատել է երկկողմանի օրակարգի արդի հարցերի շուրջ կառուցողական երկխոսությունը շարունակելու մեջ հետաքրքրվածությունը»:
Գերմանիայի նախագահին ընտրում է Դաշնային ժողովը, որը կազմված է Բունդեսթագի 630 պատգամավորից և դաշնային հողերի 630 ներկայացուցչից:
