ԵՐԵՎԱՆ, 12 փետրվարի — Sputnik. Բոլորիս հայտնի է, որ երիտասարդ հրաձգին չհաջողվեց հաջող հանդես գալի Ռիոյի օլիմպիական խաղերում: Օդամղիչ հրացանով 10 մետր հեռավորությունից մրցաձևում հայ հրաձիգը չմտավ եզրափակիչ: Սակայն պարզ է, որ այս տաղանդավոր մարզիկը կարող է դեռևս հաջողություններ բերել Հայաստանին: Ստորև ներկայացնում ենք հրաձգության Հայաստանի հավաքականի գլխավոր մարզիչ Սեյրան Նիկողոսյանի հետ հարցազրույցը:
Հավաքականի գլխավոր մարզիչը հրաձիգի համար կարևորում է մի քանի հատկանիշ.«Հրաձիգը պետք է լինի սառնասիրտ և կարողանա ժամանակին հավաքել իր ուժերն ու շարունակել մրցումը: Հրաձգությամբ զբաղվել ու զբաղվում են շատերը: Բայց անհատներն են կարողանում շարունակել մարզվել ու հաջողության հասնել մրցումներում»:
Պարզվում է որ հրաձգի մեջ մրցումների ժամանակ երկու «Ես» իրար հետ պայքարում են.«Մարզիկի մեջ երկու եսերի մեջ սուր պայքար է գնում: Երբ սառնասրտություն ու հավաքվածություն ապահովող «ես»-ը հաղթում է, հաղթում է նաև մարզիկը, իսկ հիասթափեցնող ու ապակողմոնորշող «ես»-ի հաղթանակը ձախողում է հրաձգի ելույթը»:
Հրաձգությունում մրցումների մասնակցության տարիքային սահմանափակում չկա: Բայց հավաքականի գլխավոր մարզիչը համարում է, որ տարիների փորձն ու վարպետության ձեռքբերերումը շատ մեծ նշանակություն ունի. «Լավ հրաձիգը նման է հասուն կոնյակի: Տարիներ են հարկավոր, որպեսզի կոնյակը հասունանա ու որակ ձեռք բերի, նույն էլ հրաձիգների պարագայում է: Չնայած՝ կան բացառություներ, երբ երիտասարդ տարիքում էլ հասնում են մեծ հաջողությունների: Դրանք արդեն տաղանդներն են»: Հրաչիկ Բաբայանը դեռևս 20 տարեկան է իսկ հրաձիգների համար ամենակայուն տարիքը 25-26 տարեկանն է:
Հայերը, ընդհանրապես, տաքարյուն ժողովուրդ են համարվում, իսկ հրաձգության մեջ շատ կարևոր է սառնասրտությունը: Բայց, ինչպես նշում է Սեյրան Նիկողոսյանը, ազգային հոգեկերտվածքը արգելք չէ հրաձգի համար: Փորձառու ու լավ պատրաստված հրաձիգը կարողանում է ժամանակին սառը դատել, հավաքվել ու կրակել:
Հայ հրաձիգները վեջերս մասնակցեցին Մյունխենում կայացած ներկայացուցչական մրցաշարին: Այդ մրցաշարը Հայաստանի հավաքականի մարզիչները համարում են աշխարհի փոքր առաջնություն, քանի որ մասնակիցների թվում են բոլոր հայտնի հրաձիգները: Բացի մրցակցությունից, Մյունխենում մեր հավաքականը ձեռք է բերել երկու նոր զենք ու զինամթերք, հանդերձանք ու կարողացել վերանորգել մյուսները: Զենք բերլու հարցում մեր հավաքականին օգնել է նախկին հրաձիգ Խաչիկ Խաչատրյանը:
Սարերի հետևում չէ Եվրոպայի առաջնությունը, որը կայանալու է մարտի 6-12-ը՝ սլովենական Մարիբոր քաղաքում: Այդ մրցումներին Հայաստանը ներկայացնելու է 13 հրաձիգ: Սա արդեն իսկ մեծ ձեռքբերում է մեր հավաքականի համար: Հայ հրաձիգները, փաստորեն, մասնակցելու են համարյա բոլոր մրցաձևերում: Բայց կան նաև խնդիրներ: Եթե ուզում ենք, որ մարզիկը հաջողություն ունենա, ապա յուրաքանչյուր մարզիկ պետք է ունենա իր զենքը։ «Արդյունք ապահովելու համար» յուրաքանչյուր մարզիկ պետք է ունենա, ոչ միայն իր զենքն, այլև զինամթերքն ու հանդերձանքը:
«Միայն այդպես կարելի է հասնել հաջողության: Յուրանչյուր մարզիկ իր զենքը կարող է օգտագործել 10-12 տարի ու այդ պարագայում, կարելի ասել, որ զենքը թանկ չէ: Ես շնորհակալ եմ սպորտի նախարար Հրաչյա Ռոստոմյանից, որի օգնությամբ հրաձգության ֆեդերացիայի բյուջեն զգալիորեն ավելացվեց: Ֆեդերացիայի նախագահ Արթուր Հովհաննիսյանն էլ անում է ամեն ինչ՝ մեր խնդիրները լուծելու համար: Բայց մենք պետք է կարողանանք նոր զենքով ապահովել բոլորին, իսկ առաջատարներին՝ առաջին հերթին: Հրաձգության զարգացման համար մեծ քայլեր են կատարվել ու կատարվում են, հուսանք, որ մենք կհասնենք մեր նպատակին»,- եզրափակեց զրույցը Սեյրան Նիկողոսյանը:
