Երևան, 11 փետրվարի — Sputnik. Խորհրդարանի ընտրությանը մասնակցել պատրաստվող քաղաքական ուժերը միմյանց հետևից համագումարներ են անցկացնում։ Այսօր հերթը Հայկական Վերածնուդ կուսակցությանն էր։
Համագումարը միաձայն որոշեց՝ ՀՎԿ ցուցակը կգլխավորի կուսակցության նախագահ Արթուր Բաղդասարյանը։ Նա իր ելույթում անդրադարձավ երկրի սոցիալ-տնտեսական վիճակից, առաջարկեց կոնկրետ ելքեր ստեղծված իրավիճակից։
Արթուր Բաղդասարյանը խոսեց նաև բանակի մասին՝ շեշտելով, որ 18 տարեկան տղաները պետք է չծառայեն զինված ուժերում, առավել ևս՝ չկանգնեն առաջնագծում։
Իրենք ունեն հստակ պատկերացում և ծրագրեր, թե ինչպես ատիճանական անցում կատարեն վարձու բանակի։
Բաղդասարյանի ուշադրության կենտրոնում էր նաև երկրի ընդերքը։ Նա հավաստիացրեց, որ մենք նավթի ու գազի պաշարներ ունենք, իսկ ընդերքը շահագործած անբարեխիղճ պաշտոնյաներից պետք է հետ վերցնել հանքավայրերն ու վերադարձնել ժողովրդին։
Արթուր Բաղդասարյանը բարեխիղճ աշխատելու կոչ արեց իր թիմին և խոստացավ կաշին քերթել նրանց, ովքեր լավ չեն աշխատի։
Հայկական վերածնունդը խորհրդարանական ընտրությանը կմասկնակի միայնակ՝ չբացառելով հետընտրական դաշինքները։
