ԵՐԵՎԱՆ, 11 փետրվարի — Sputnik. Փետրվարի 11-ին, ժամը 08:26-ին տեղեկություն է ստացվել, որ Մ-4 ավտոճանապարհի Դիլիջան-Իջևան հատվածի 7-րդ կմ-ին տեղի է ունեցել ՃՏՊ, կան տուժածներ. անհրաժեշտ է փրկարարների օգնություն: Այս մասին տեղեկացնում է ՀՀ ԱԻՆ մամուլի ծառայությունը:
Դեպքի վայր է մեկնել մեկ մարտական հաշվարկ: Պարզվել է, որ բախվել են ГАЗель մակնիշի 2777L (վարորդ՝ 1957 թ. ծնված Ռ. Ռ.) և ВАЗ-2107 մակնիշի 34 AO 994 պետհամարանիշերով (վարորդ՝ 1977 թ. ծնված Լ. Ծ.) ավտոմեքենաները:
Մինչ փրկարարների՝ կանչի վայր հասնելը ГАЗель մակնիշի ավտոմեքենայի վարորդը, ուղևորներ՝ 1997 թ. ծնված Գ. Ո.-ը, 1998 թ. ծնված Թ. Թ.-ը, 1983 թ. ծնված Ռ. Վ.-ը, 1998 թ. ծնված Դ. Մ.-ը, Գ. Գ.-ը, Ս. Գ.-ը և ВАЗ-2107մակնիշի ավտոմեքենայի վարորդը, ուղևոր՝ 1953 թ. ծնված Ս. Ա.-ը հոսպիտալացվել են Դիլիջան քաղաքի ԲԿ, որտեղ բժիշկները տուժածների առողջական վիճակը գնահատել են բավարար:
Փրկարարները հոսանքազրկել են ավտոմեքենաները և փակել գազի բալոնների փականները:
Sputnik Արմենիայի զանգին ի պատասխան՝ Դիլիջանի ԲԿ-ից տեղեկացրին, որ որ վթարի հետևանքով իրենց մոտ է տեղափոխվել 12 տուժած: «Նրանցից մեկին այս պահին տեղափոխում են Երևան, մյուսների վիճակը բավարար է»,- հայտնեցին ԲԿ-ից:
Դիլիջան-Իջևան հատվածի 7-րդ կմ-ին վթարված մեքենաներից մեկը՝ «ГАЗель» մակնիշի 2777L պետհամարանիշի ավտոմեքենան ուսանողական երթուղային է:
