ԵՐԵՎԱՆ, 11 փետրվարի — Sputnik. ՀՀԿ ԳՄ նիստում այսօր հաստատվել են ռեյտինգային ընտրակարգով Երևանի ու մարզերի ընտրատարածքներում կուսակցության թեկնածուների ցուցակները։ Այս մասին լրագրողներին հայտնեց ՀՀԿ խոսնակ Էդուարդ Շարմազանովը՝ հայտարելով նաև յուրաքանչյուր ընտրատարածքից մի քանի թեկնածուների անուններ։
Երևանի Ավան, Նոր Նորք և Քանաքեռ-Զեյթուն վարչական շրջաններն ընդգրկող ընտրատարածքում ՀՀԿ-ն առաջադրել է ԴԱՀԿ նախկին պետ Միհրան Պողոսյանի, պատգամավոր Ռոբերտ Սարգսյանի, Ղուկաս Ուլիխանյանի թեկնածությունը։ Արաբկիր, Աջափնյակ և Դավթաշեն վարչական շրջաններում՝ պատգամավորներ Արտակ Սարգսյանը (ՍԱՍ-ի Արտակ), ԱԺ նախագահ Գալուստ Սահակյանի որդին՝ Արման Սահակյանը, ոստիկանապետ Վովա Գասպարյանի փեսան՝ Արթուր Գևորգյանը, Մալաթիա- Սեբաստիայում առաջադրվել են Կորյուն Նահապետյանը, Արայիկ Հովհաննիսյանը, Սամվել Ալեքսանյանը:
Շիրակի մարզում կառաջադրվեն Արման Սահակյանը, Սուքիաս Ավետիսյանը, Մարտուն Գրիգորյանը, Շիրակի նախկին մարզպետ Ֆելիքս Ցոլակյանը: Տավուշում՝ Հակոբ Հակոբյանը, գործարար Գրիգոր Աղայանը: Գեղարքունիքում՝ մարզպետ Ռաֆիկ Գրիգորյանը, պատգամավորներ Հակոբ Հակոբյանը, Կարեն Բոթոյանը, նախկին պատգամավոր Տիգրան Արզաքանցյանը: Կոտայքում ՀՀԿ-ն կառաջադրի բնապահպանության նախկին նախարար Արամ Հարությունյանի, Սամվել Սանամյանի, Համլետ Հայրապետյանի թեկնածությունը: Արագածոտնում՝ Արագած Ախոյանը, Բազմասեր Առաքելյանը, Մնացական Մնացականյանը: Արմավիրում Հ
ՀԿ-ն կառաջադրի գեներալ Սեյրան Սարոյանի, Հրանտ Գրիգորյանի, Նահապետ Գևորգյանի, Ալեքսան Պետրոսյանի և Առաքել Մովսիսյանի թեկնածությունը: Վայոց Ձորից ու Սյունիքից կառաջադրվեն Աշոտ Արսենյանը, Սունիքի մարզպետ Վահե Հակոբյանը:
Լոռիից՝ ԱԺ պատգամավոր Կարեն Կարապետյանը, ՀՀԿ խմբակցության ղեկավար Վահրամ Բաղդասարյանը: Արարատի մարզում կառաջադրվեն պատգամավոր Արայիկ Գրիգորյանը, Ոստիկանության նախկին պետ Ալիկ Սարգսյանը, պատգամավոր Մուրադ Մուրադյանը: Սա Էդուարդ Շարմազանովի հրապարակած ոչ ամբողջական ցուցակնէ։ Նրա խոսքով, յուրաքանչյուր ընտրատարածքում ՀՀԿ-ն առաջադրել է 8-13 թեկնածու։
Ներկայացնելով ցուցակները՝ Շարմազանովը նշեց. «Մեր ցուցակն ամենամրցունակն ու լավագույնն է, դրանում ընդգրկված բոլոր թեկնածուները կարող են լավագույնս ներկայացնել ՀՀԿ ծրագիրը»։ Ինչ վերաբերում է քարոզչությանը՝ ՀՀԿ խոսնակը հայտնեց, որ կուսակցության բոլոր անդամները քարոզելու են ոչ թե այս կամ այն ռեյտինգային թեկնածուի օգտին, այլ՝ամողջ ցուցակի։
Նշենք, որ ցուցակում ընդգրկված են մի քանի ԵԿՄ անդամ թեկնածուներ, սակայն ԵԿՄ նախագահ Մանվել Գրիգորյանի անունը բացակայում է։ Համապետական ընտրացուցակները ՀՀԿ խոնակը խոստացավ հրապարակել հաջորդ չորեքշաբթի՝ նախանշված ՀՀԿ նիստից հետո։
