Աղջիկները խոստովանել են, որ երգում են վաղ տարիքից և երազում դերասանուհի դառնալ: ՆՏՎ հեռուստաալիքի և Sputnik միջազգային տեղեկատվական գործակալության «Ты супер!» նախագծի մասնակիցները ցուցադրեցին իրենց տաղանդը Sputnik Արմենիա ռադիոկայանի եթերում:
15-ամյա Անգելինա Պապիկյանը սկսեց երգել ընկերուհու կատարմամբ Սայաթ-Նովայի երգերը լսելուց հետո: Անկախ երգի բարդությունից, Անգելինան խնդրել է նրան տալ հայտնի հայ աշուղի և բանաստեղծի ստեղծագործություններից մեկը։
Այն ժամանակ նա 12-13 տարեկան էր, երգում էր օր ու գիշեր, և դա ապարդյուն չանցավ: Առաջիկա համերգի ժամանակ նրա ելույթը մեծ հաջողություն ունեցավ, բոլորը գոհ էին: Գիշերօթիկ հաստատությունում շատ կան օժտված երեխաներ, սակայն, հաստատության տնօրենի խոսքով, Անգելինայի տաղանդի հետ երեխաներից ոչ մեկը համեմատվել չի կարող:
Վանաձորի մանկատան սան Սաբինա Մանվելյանը շատ է սիրում ռուսական երգեր: Նրա բազմազան երգացանկում դրանք մեծ տեղ են զբաղեցնում դրանք: Նրան համարում են մանկատան ամենաակտիվ և զգացմունքային աղջիկը: Նա իր ողջ զգացմունքները, երգի ուսուցչի խոսքով, ներդնում է երգի մեջ: Երբեմն դա խանգարում է, սակայն հաճախ էլ՝ օգնում: Սաբինան ցանկանում է երգչուհի դառնալ, որպեսզի «երգի աշխարհում իր հետքը թողնի»:
Առաջարկում ենք լսել հատվածներ «Ты супер!» նախագծի երկու հայ մասնակիցների կատարումներից:
