Պակաս ոգևորված չեն նաև հաստատության սաները, մասնավորապես` Անգելինայի ընկերուհիները։ Երեխաների մեծամասնությունն ուշադիր հետևում է նորություններին և դիտում Անգելինայի մասնակցությամբ բոլոր տեսահոլովակներն ու տեսանյութերը։
Նրանք բոլորն անհամբեր սպասում են փետրվարի 11-ին, երբ Անգելինան կմասնակցի մրցույթի առաջին փուլին, որը կհեռարձակվի ՆՏՎ հեռուստաալիքի եթերում և Sputnik Արմենիայի կայքում։
Անգելինայի ընկերուհիները նրան բարևում և հաջողություն են մաղթում։
«Ты супер!» նախագիծը ՆՏՎ հեռուստաալիքի և Sputnik միջազգային տեղեկատվական գործակալության համատեղ նախագիծն է, որը հնարավորություն է տալիս ծնողական խնամքից զրկված տաղանդավոր երեխաներին՝ հայտնել իրենց մասին։ Մրցույթի 92 մասնակիցները Ռուսաստանից, Աբխազիայից, Ադրբեջանից, Հայաստանից, Բելառուսից, Վրաստանից, Ղազախստանից, Ղրղըզստանից, Մոլդովային, Ուկրաինայից, Էստոնիայից և Հարավային Կորեայից են։ Պատանի տաղանդների ելույթը կարելի է դիտել ՆՏՎ հեռուստաալիքի եթերում փետրվարի 11-ին։ Հայաստանը միջազգային երգի մրցույթում կներկայացնեն երկու մասնակից` Անգելինա Պապիկյանն ու Սաբինա Մանվելյանը։ Sputnik-ն իր ընթերցողներին հնարավորություն է տալիս հետևել մասնակիցների հաջողություններին առցանց օրագրերի և ուղիղ հեռարձակումների ձևաչափում։
