Վահան Նահապետյան 2
Երաժիշտ Վահան Նահապետյանը, որն այսօր գեղեցիկ ու հայտնի կատարումների հեղինակ է, Sputnik Արմենիայի հետ զրույցում նշեց, որ երկար տարիներ աշխատել է իր երաժշտական ունակությունները զարգացնելու ուղղությամբ։
Տեսողական խնդիր ունեցող երաժիշտը սովորել է Կոմիտասի անվան պետական կոնսերվատորիայում, դասախոսությունները ձայնագրել է, որ հետ լսի ու սովորի։
Դժվար է եղել ճանապարհ հարթելը, բայց Վահան Նահապետյանը չի ընկճվել, հաղթահարել է խոչընդոտները ու շարունակում է պայքարել։ Կարծում է՝ հաջողությունը նրա կողմն է, ով աշխատում է ու չի ապավինում սոսկ երջանիկ պատահականություններին և բնատուր կարողություններին։
Վահան Նահապետյանի հետ զրույցն ամբողջությամբ կարող եք լսել Ամալյա Պապյանի «Կաղապարից դուրս» հաղորդաշարում։
