ԵՐԵՎԱՆ, 9 փետրվարի — Sputnik. Մոսկվան չի պնդում հանդիպում անցկացնել ղարաբաղյան խնդրի կարգավորման հարցի վերաբերյալ, պարզապես առաջարկում է, ասել է Ռուսաստանի ԱԳՆ պաշտոնական ներկայացուցիչ Մարիա Զախարովան։
Ավելի վաղ ԵԱՀԿ ՄԽ միջնորդներն առաջարկել էին անցկացնել Հայաստանի և Ադրբեջանի ԱԳՆ ղեկավարներ Էդվարդ Նալբանդյանի և Էլմար Մամեդյարովի հանդիպում Մյունխենի անվտանգության համաժողովում։
«Մենք չենք պնդում խորհրդատվությունների և հանդիպումների անցկացումը, մենք առաջարկում ենք համաձայնեցնել այն կողմերի հետ», — ասել է Զախարովան։
Նա նշել է, որ Բոննում և Մյունխենում հանդիպումների ժամանակացույցն այժմ մշակվում է, այդ իսկ պատճառով մանրամասներ չի հայտնել։
«Այժմ կարող եմ միայն ասել, որ շփումը կողմերի միջև շարունակվում է։ Ե՞րբ և որտե՞ղ։ Եվս մեկ անգամ ասում եմ, որ կհայտնեմ մի փոքր ավելի ուշ, երբ հարցը համաձայնեցված լինի», — նշել է Զախարովան։
Հայաստանի և Ադրբեջանի ԱԳՆ ղեկավարներ Էդվարդ Նալբանդյանի և Էլմար Մամեդյարովի վերջին հանդիպումը տեղի է ունեցել Համբուրգում՝ ԵԱՀԿ ՄԽ աջակցմամբ։ 1992 թվականին ստեղծված ԵԱՀԿ ՄԽ-ն ղարաբաղյան կարգավորման բանակցությունների միակ ձևաչափն է։ Միջնորդ երկրների կազմում են Ռուսաստանը, ԱՄՆ-ը և Ֆրանսիան։
