Հակոբյանի խոսքով` Գուրգեն Մարգարյանի սպանության օրվանից հետո, տեսնելով ադրբեջանական լոբբիի աշխատանքները, սպասելի էր, որ Ռամիլ Սաֆարովին մի օր արտահանձնելու են։ Բայց Հունգարիայի հայկական համայնքը սա կանխելու քաղաքական և դիվանագիտական որևէ հնարք չի ունեցել։ «Զգուշացրել ենք թե՛ Սփյուռքի նախարարությանը, թե՛ Արտաքին գործերի նախարարությանը, որ վտանգ կա։ Ցավոք սրտի, դա տեղի ունեցավ։ Վերջին օրն էլ, որ գիտեինք` դա տեղի է ունենալու, խոսել ենք ՀՀ ԱԳՆ-ի հետ, բայց ապարդյուն»,-ասաց Նիկողոս Հակոբյանը։
Հունգարիայի հայ ազգային ինքնավարության կազմակերպության փոխնախագահը նշում է, որ Սաֆարովի խնդիրը քաղաքական կարևոր հարց էր, որին պետք էր պատրաստվել։
Հունգարիայի հայ ազգային ինքնավարության կազմակերպության փոխնախագահ Նիկողոս Հակոբյանի հետ ամբողջական հարցազրույցը կարող եք լսել Sputnik Արմենիա ռադիոկայանի եթերում, Ամալյա Պապյանի հեղինակային «Կաղապարից դուրս» հաղորդաշարի շրջանակներում, փետրվարի 9-ին, ժամը 18։30։
