ԵՐԵՎԱՆ, 8 փետրվարի — Sputnik. Հայաստանում Բելառուսի դեսպանատան քաղաքական հարցերով խորհրդական Վադիմ Միխայլովը հրաժարվեց Sputnik Արմենիային մեկնաբանել բլոգեր Ալեքսանդր Լապշինին Բաքվին հանձնումը։
Բաքվի հայցով Մինսկից հանձնած ռուս-իսրայելացի բլոգեր Ալեքսանդր Լապշինին երեքշաբթի երեկոյան Գլխավոր դատախազության աշխատակիցների ուղեկցությամբ հասցրել են Հեյդար Ալիևի օդանավակայան։
«Այդ հարցի վերաբերյալ մեկնաբանություններ չունենք»,- Sputnik Արմենիայի թղթակցի հետ զրույցում ասաց Միխայլովը։
Ընդ որում, ինչպես Sputnik Արմենիային հայտնեցին դիվանագիտական ներկայացուցչությունից, Հայաստանում Բելառուսի արտակարգ և լիազոր դեսպան Իգոր Նազարուկն այս պահին երկրում չէ։
Նա գործուղման է մեկնել Մինսկ։ Հայաստանի ԱԳՆ-ն չորեքշաբթի հայտարարություն է տարածել, որտեղ դժգոհություն է հայտնել Լեռնային Ղարաբաղի այցելության համար բլոգեր Ալեքսանդր Լապշինին Բաքվին հանձնելու փաստի վերաբերյալ։
Լապշինին ձերբակալել են Բելառուսում՝ 2016 թվականի դեկտեմբերին, Ադրբեջանի հայցով, որտեղ նրան միջազգային հետախուզում էին հայտարարել մի շարք խախտումների համար, մասնավորապես, Լեռնային Ղարաբաղ այցելելու պատճառով։
Բելառուսի Գերագույն դատարանը չի բավարարել ռուս-իսրայելացի բլոգեր Ալեքսանդր Լապշինի բողոքը` նրան Բաքվին չհանձնելու վերաբերյալ։
