ԵՐԵՎԱՆ, 8 փետրվարի — Sputnik. Տասնյակ երկրների ականավոր դեմքերի, պետական այրերի, նախարարների անուններ պարունակող Ադրբեջանական այսպես կոչված սև ցուցակն ինքնին խոսոն է: Այսօր ԱԺ-ում հայտարարեց ՀՀ ԱԳ նախարար Էդվարդ Նալբանդյանը:
Այս ցուցակով ԼՂ այցելողների թիվը կրճատելու Ադրբեջանի ջանքերին հակառակ` հոսքը դեպի Արցախ շարունակվեց և անգամ ավելացավ:
«Միգուցե, Ադրբեջանը նաև փորձում է այս գործողությունների մեջ ներքաշելով այլոց, այլ ուղղություններով վնասներ հասցնել Հայաստանին»,- ասաց նախարարը,-«հավասարակշռությունից դուրս եկած Ադրբեջանը փորձում է այլոց հավասարակշռությունից հանել: Մենք պետք է չտրվենք դրան և այդ ջրաղացին ջուր չլցնենք»:
