ԵՐԵՎԱՆ, 4 փետրվարի — Sputnik. Քարդաշյան-Ուեսթ զույգը հայտնվել է հոլիվուդյան այն աստղերի ցուցակում, որոնք սիրում են շռայլել փողերը: Ցուցակը կազմել է բրիտանական The Telegraph հրատարակությունը:
Հրատարակության տվյալներով՝ Քարդաշյանը և Ուեսթը սիրում են անտեղի փող վատնել: Այսպես, ռեփերը կնոջ համար ծաղիկներ գնելու վրա ծախսում է տարեկան 140 հազար դոլար:
Լոս Անջելեսի առանձնատան վերանորոգման ժամանակ Քարդաշյանը և ամուսինը վճարել են 613 հազար դոլար՝ չորս ոսկե զուգարանակոնքի համար և 750 հազար դոլար՝ վեց երկտեղանոց մահճակալի համար:
Փարիզյան կողոպուտից հետո Ուեսթը վեց միլիոն դոլար է ծախսել ընտանիքի հսկողության համար: The Telegraph-ի ցուցակում ներառվել են նաև Նիկոլաս Քեյջը, Բեյոնսեն, Լեդի Գագան և Մադոննան:
