Մարիա Բարաղամյան
Վերնիսաժը շուտով կհամապատասխանի միջազգային չափանիշներին: Այսօր Sputnik Արմենիա մամուլի կենտրոնում, լրագրողների հետ հանդիպմանն ասաց Երևանի քաղաքապետարանի տուրիզմի բաժնի աշխատանքները համակարգող, Երևանի քաղաքապետի օգնական Մարիա Բարաղամյանը:
Նա նաև հայտարարեց, որ տարածքի բարեկարգումից հետո այնտեղ տաղավար ունեցողներից ոչ ոք աշխատանքը չի կորցնի: Վաճառակետերի վարձակալության գները ևս, քաղաքապետարանի ներկայացուցչի համոզմամբ, վերանորոգումից հետո չեն ավելանա:
«Քանի որ վարձակալված տարածք է, այնտեղ պայմանագրային փոփոխություն չկա: Մեր բանակցությունները վարձակալի հետ այնպիսին են, որ վարձը չթանկանա, հնարավորինս քիչ նեղություն պատճառվի առևտրականներին»,- ասաց Մարիա Բարաղամյանը:
Վերնիսաժի բարեկարգման համար Երևանի քաղաքապետարանը ներդրել է 110 մլն դրամ:
