ԵՐԵՎԱՆ, 4 փետրվարի-Sputnik. Հայ-ամերիկյան առողջության կենտրոն դիմողների 40 տոկոսը մարզերի բնակիչներ են, 20 տոկոսը՝ երիտասարդներ, տարեցտարի ավելանում է դիմողների թիվը, ինչը խոսում է այն մասին, որ մարդիկ սկսել են հոգ տանել իրենց առողջությանը։ Այդ կարծիքի է Հայ- ամերիկյան առողջության կենտրոնի տնօրեն Խաչանուշ Հակոբյանը։
Նա նշեց, որ թեպետ կրծքագեղձի քաղցկեղ հիմնականում հայտնաբերվում է 50-60 տարեկան կանանց մոտ, սակայն հիվանդությունը երիտասարդացել է։ Պատահել է, որ նույնիսկ 16 տարեկան աղջկա մոտ են այն հայտնաբերել։
Կենտրոնում այժմ ուշադրություն են դարձնում նաև վահանաձև գեղձին, քանի որ տարածում է գտնում նաև վահանաձև գեղձի քաղցկեղը։
Խաչանուշ Հակոբյանը վստահեցրեց, որ վաղ հայտնաբերելու դեպքում այդ հիվանդությունը լինովին բուժվում է։ Կենտրոնին հաջողվել է փրկել 6000 կնոջ կյանք։
Նա նշեց, որ մենք ունենք գերժամանակակից բուժսարքավորումների կարիք, սակայն որակյալ մասնագետների պակաս չունենք։
