Սերգո Երիցյան 1
Հայկական հեռուստասերիալները փողոցի ժարգոնային լեզուն տեղափոխում են եթեր: Sputnik Արմենիա ռադիոկայանի հետ զրույցում, անդրադառնալով հայկական հեռուստաեթերից հնչող խոսքին, ասել է Լեզվի պետական տեսչության պետ Սերգո Երիցյանը:
«Այդ լեզվական մշակույթը մենք վերջին հաշվով պարպում ենք յուրաքանչյուրիս ընտանիքում, և դա անթույլատրելի է»,- ասել է նա՝ հավելելով, որ այդ փաստն անհանգստացնում է Լեզվի պետական տեսչությանը:
Տեսչությունը շարունակում է դիտարկել հայկական սերիալներն ու առաջիկայում պատրաստվում է դիտողություններ ներկայացնել հեղինակներին, հրապարակային քննարկման նյութ դարձնել այդ ֆիլմերում հնչող հայերենը:
