ԵՐԵՎԱՆ, 2 փետրվարի — Sputnik. Սկանդալային մրցավազքերի մասնակից Մառա Բաղդասարյանը, որը դատապարտվել է հարկադիր աշխատանքի, Instagram-ի իր էջում լրագրողներին անվանել է «տականքներ», գրում է «Զվեզդա» հեռուստաալիքը։
Աղջիկը գրել է, որ լրագրողները դիտավորյալ խանգարել են իրեն մեքենան կայանել այն վայրում, որտեղ նա հարկադիր աշխատանք է կատարում։
«ԶԼՄ-ները հատուկ զբաղեցնում են կայանատեղը` հույս ունենալով, որ անելանելիությունից դրդված ես սխալ տեղում կկանգնեմ, ինչ տականքն են»,- գրել է Բաղդասարյանը։
Մառա Բաղդասարյանը 2016 թվականի մայիսին հայտնի է դարձել որպես Gelandewagen-ով սկանդալային մրցավազքի մասնակից։ Նրան ձերբակալել են 2016 թվականի նոյեմբերին՝ Մոսկվայի Լենինի անվան պողոտայում։
Ոստիկանության աշխատակիցները վարչական տուգանք են նշանակել սխալ կայանած ավտոմեքենայի համար, սակայն փաստաթղթերը ստուգելու ընթացքում տեսուչները հայտնաբերել են, որ աղջիկը չի վճարել 16 տուգանք։
