ԵՐԵՎԱՆ, 2 փետրվարի — Sputnik. Գյումրիում տեղակայված ռուսական ռազմակայանում սկսվել են անվավոր և զրահատանկային ռազմական տեխնիկայի ավելի քան 500 վարորդների և մեխանիկ- վարորդների «Էքստրեմալ» վարման պարապմունքերը «Կամխուտ» զորավարժարանում:
ՌԴ Հարավային ռազմական օկրուգի մամուլի ծառայությունը հայտնում է, որ քարշակների, «Ինֆաունա» արդի համալիրների, ՌԽՄ-6 վեցերորդ սերնդի հետախուզական քիմիական ավտոմեքենաների, «Ս-300Վ» զենիթային հրթիռային համալիրների, ՈւաԶ ավտոմոբիլների, «Մուստանգ» ընտանիքի ԿամԱԶ և տարբեր վերափոխակների Ուրալ ավտոմոբիլների, «Տիգր» զրահապատ ավտոմոբիլների վարորդների և մեխանիկ-վարորդների պարապմունքներն անցկացվում են ավտոարշավարանում և տանկարշավարանում՝ ծովի մակերևույթից ավելի քան 1,5 հազար մետր բարձրության վրա լեռնային ձմեռային պայմաններում:
«Մարտական ավտոմեքենաների վարման պարապմունքների ժամանակ վարորդները և մեխանիկ-վարորդները յուրացնում են մանևրելու, մեծ զառիթափության վերելքներով և զառիվայրերով տարբեր բարդության շրջադարձերով լեռնային ճանապարհների օձագալարքներով նվազագույն թույլատրելի արագություններով երթուղու անցման հնարքներն՝ առատ ձյան ծածկույթի և մերկասառույցի պայմաններում»,- նշված է հաղորդագրության մեջ:
Նորակոչիկները սովորում են ավելի քան 100 սանտիմետր բարձրությամբ ձնածածկույթի, —20 աստիճանից ցածր ջերմաստիճանի և քամու՝ վայրկյանում մինչև 15 մետր պոռթկումների պայմաններում հաղթահարել հեղեղատները, արհեստական և բնական խոչընդոտները, սառցակալած գրունտի հատվածները:
