ԵՐԵՎԱՆ, 1 փետրվարի — Sputnik. Արցախի փոխվարչապետ Արթուր Աղաբեկյանն այժմ փոխարինում է վարչապետին, Sputnik Արմենիային ասաց ԼՂՀ վարչապետի մամուլի քարտուղար Արտակ Բեգլարյանը։
Նրա խոսքով` հրաժարականի մասին հայտարարությունը նորություն չէ. Աղաբեկյանը դեռ անցյալ տարի էր հայտարարել, որ պատրաստվում է լքել պաշտոնը։
«Քանի որ վարչապետ Արայիկ Հարությունյանն այժմ արձակուրդում է, փոխվարչապետը ժամանակավորապես փոխարինում է նրան»,- ասաց Բեգլարյանը՝ հսվելելով, որ վարչապետն արձակուրդից կվերադառնա փետրվարի 21-ից հետո։
Նշենք, որ Արթուր Աղաբեկյանը դեռ անցած տարվա մայիսին էր հայտարարել, որ ցանկություն ունի 2017թ-ի առաջին եռամսյակում թողնել պետական ու քաղաքական գործունեությունը և ավելի շատ ժամանակ հատկացնել ընտանիքին և բարեգործական ծրագրերին:
Աղաբեկյանը փոխվարչապետ է նշանակվել 2012 թ. սեպտեմբերին:
