ԵՐԵՎԱՆ, 1 փետրվարի — Sputnik. Աշխատանքի և սոցիալական հարցերի նախարար Արտեմ Ասատրյանն այսօր չհերքեց նոր տեղակալի նշանակման մասին լուրերը:
«Բնականոն պրոցես է, և ընդհանրապես պետական կառավարման համակարգում սերնդափոխությունն առողջ գործընթաց է, որը պետք է շարունակական լինի»,- լրագրողների հարցին ի պատասխան ասաց Արտեմ Ասատրյանը:
Մամուլում տարածված տեղեկությունների համաձայն` կենսաթոշակի անցած փոխնախարար Ֆիլարետ Բերիկյանին կփոխարինի ՀՀ վարչապետի 28-ամյա օգնական Աշոտ Մարգարյանը։
Նախարար Ասատրյանը չցանկացավ խոսել Մարգարյանի անձի և մասնագիտական կարողությունների մասին՝ առաջարկելով սպասել նշանակմանը:
Նշենք, որ Աշոտ Մարգարյանը Կարեն Կարապետյանի օգնական էր նշանակվել ամիսներ առաջ: Իսկ մինչ այդ նա ԼՂՀ վարչապետ Արայիկ Հարությունյանի օգնականն էր:
