Վահե Առաքելյան
Պետական գանձարանում պահվող ավելի քան 102 կգ մարգարիտը վաճառքի կհանվի 6 մլն 200 հազար դրամով, եթե, իհարկե, կառավարոթյունը հաստատի ֆինանսների նախարարության ներկայացրած այդ առաջարկը։ Վաճառքով էլ կզբաղվի պետգույքի կառավարման վարչությունը։ Sputnik Արմենիային հայտնեց Վահե Առաքելյանը:
«Աճուրդը լինելու է միայն և միայն հրապարակային»,- ասաց նա։
Առաքելյանը նաև նշեց, որ արհեստական աճեցված մարգարիտը տարիների ընթացքում կորցնում է տեսքն ու քայքայվում, ուստի այն երկար պահելն արդյունավետ չէ։
Մեր զրուցակիցը նաև հայտարարեց՝ 2007թ-ից մինչ օրս գանձարանի պահուստներից ոչինչ չի վաճառվել, իսկ մարգարիտը որոշվել է վաճառել միայն որպեսզի չփչանա։
