ԵՐԵՎԱՆ, 31 հունվարի — Sputnik. Թուրքական «Բեշիքթաշի» և Հայաստանի ազգային հավաքականի կիսապաշտպան Արաս Օզբիլիսը կփոխի իր ակումբային գրանցումը,- տեղեկացնում է armsport.am-ը՝ հղում անելով voetbalprimeur.nl-ին:
Թուրքական ակումբում ոչ բավարար խաղաժամանակ ստանալու պատճառով 26-ամյա ֆուտբոլիստը կարող է վերադառնալ Հոլանդիա:
Վերջինիս տրանսֆերը ցանկանում է վարձակալել «Վիլեմ II» ակումբը, որն այժմ գտնվում է Հոլանդիայի ընթացիկ առաջնության աղյուսակի 11-րդ հորիզոնականում:
Հիշեցնենք, որ ժամանակին Արասը հանդես է եկել «Այաքսում»:
