ԵՐԵՎԱՆ, 31 հունվարի — Sputnik. Հայաստանի նախկին վարչապետ, ՀՀԿ նախկին փոխնախագահ Հովիկ Աբրահամյանը ՀՀԿ-ն լքելու դիմումը ներկայացրեց։ Տեղեկությունը Sputnik Արմենիայի հետ զրույցում հաստատեց ՀՀԿ կազմակերպչական հանձնաժողովի նախագահ Ռուբեն Թադևոսյանը։
«Այո, ձեր տեղեկությունը ճիշտ է. Հովիկ Աբրահամյանը ՀՀԿ-ից դուրս գալու դիմում է ներկայացրել»,- ասաց նա։
Մեր այն հարցին, թե ՀՀԿ-ն լքելու հարցում Աբրահամյանին միացողներ կա՞ն, Թադևոսյանը պատասխանեց, որ այս պահին միայն նա է։
Թադևոյանը հերքեց այն տեղեկությունները, թե ԱԺ պատգամավոր Մհեր Սեդրակյանը ևս կուսակցությունից դուրս գալու դիմում է ներկայացրել։
