ԵՐԵՎԱՆ, 29 հունվարի — Sputnik. Աստղաբան Վասիլինա Միցկևիչը Sputnik Բելառուսին տված հարցազրույցում ներկայացրել է Հրե աքաղաղի տարվա առաջին կեսին առնչվող կանխատեսումները: Ըստ նրա՝ տարին բերքառատ չի լինելու, գրանցվելու են ավիավթարներ և էներգետիկ ճգնաժամ:
«Իրականում տարին բերրի չի լինի, և ուշադրության կենտրոնում կհայտնվեն այն առաջնորդները, որոնք իշխանական աթոռը եկար ժամանակ են զբաղեցնում: Ավելի վաղ նման տարիներին իշխանության ներկայացուցիչների դեմ մահափորձեր են իրականացվել: Այդ պատճառով հատկապես առաջնորդները պետք է զգույշ լինեն», — ասել է Միցկևիչը:
Նա հիշեցրել է 1984 թվականին Մարգարետ Թեթչերի դեմ իրականացված մահափորձն ու Ինդիրա Գանդիի սպանությունը՝ նշելով, որ 1984-1985 թվականներին կյանքից հեռացել են Անդրոպովն ու Չերնենկոն, 1953 թվականը պատմության մեջ հիշվել է որպես Ստալինի տարի: Ըստ աստղաբանի՝ երկրաշարժի և ավիավթարների վտանգ կա հատկապես փետրվարին:
«Երկու խավարում է սպասվում` փետրվարի 11-ին լուսնի խավարում և փետրվարի 26-ին արևի շրջանաձև խավարում: Խավարումների միջև ընկած ժամանակահատվածն առավել մտահոգիչ է լինելու: Հատկապես անբարենպաստ օրեր են փետրվարի 10-ը, 11-ն ու 16-ը, որոնք կապված են երկրաշարժի հետ, իսկ 20-ը և 21-ը կարող են կապված լինել ավիավթարների հետ», — ասել է աստղաբանը: Անհանգիստ իրավիճակը պահպանվելու է տարվա առաջին կիսամյակում:
Նրա խոսքով` մարտից մինչև օգոստոս ընկած ժամանակահատվածում երկրաշարժի և ավիավթարի վտանգին կարող են ավելանալ նաև այլ խնդիրներ, որոնք կարող են առնչվել, օրինակ, տիեզերական արբանյակներին: Կլինի էներգետիկ ճգնաժամ, ի հայտ կգան էներգառեսուրսների տեղափոխման հետ կապված խնդիրներ:
