ԵՐԵՎԱՆ, 29 հունվարի — Sputnik. ՌԴ պաշտպանության նախարարի առաջին տեղակալ Ռուսլան Ցալիկովը համարում է, որ պետք է կարճ ժամանակահատվածում ուսումնասիրել Հայաստանում տեղակայված 102-րդ ռուսական ռազմակայանի պատմական զորանոցային ֆոնդը: Այս մասին նա հայտնել է ռազմակայան կատարած այցելության ժամանակ:
Ցալիկովի խոսքով՝ ուսումնասիրությունն անհրաժեշտ է, որպեսզի կարողանան Գյումրիի ռազմակայանում զորանոցների վերականգնման վերաբերյալ որոշում կայացնել:
Ռազմակայանի հրամանատար Վլադիմիր Ելկանովը ՊՆ ղեկավարի տեղակալին զեկուցել է զինծառայողների և նրանց ընտանիքի անդամների համար նախատեսված սոցիալական ենթակառուցվածքների զարգացման մասին:
Աշխատանքային այցի շրջանակում Ցալիկովն ուսումնասիրել է XIX դարասկզբին կառուցված զորանոցի շենքերը, հոսպիտալը և սոցիալական ենթակառուցվածքի այլ օբյեկտներ: Նախարարի առաջին տեղակալը սուրբ նահատակ Ալեքսանդրա Հռոմեացու անունը կրող եկեղեցուն նվեր է փոխանցել ՌԴ պաշպանության նախարար Սերգեյ Շոյգուի կողմից Նա եկեղեցուն է հանձնել սուրբ Գևորգի սրբապատկերը:
Ռուսական 102-րդ ռազմակայանը տեղակայված է Հայաստանի Գյումրի քաղաքում։ Ռազմակայանը մարտական հերթապահություն է իրականացնում ԱՊՀ ՀՕՊ միավորված համակարգի շրջանակում։ Հայաստանն ու Ռուսաստանը 2010 թվականի օգոստոսի 20-ին երկարացրել են ռազմակայանի տեղակայման մասին պայմանագրի ժամկետը մինչև 2044 թվականը: Արձանագրությունը նախատեսում է նաև ընդլայնել նրա աշխարհագրական և ռազմավարական պատասխանատվության ոլորտները:
