ԵՐԵՎԱՆ, 29 հունվարի — Sputnik. Դոնալդ Թրամփի հրամանից հետո Emirates ավիաընկերությունը ստիպված է եղել փոփոխություններ անել ԱՄՆ մեկնող ինքնաթիռների անձնակազմում: Այս մասին հայտնում է ՌԻԱ Նովոստին` հղում անելով Khaleej Times պարբերականին:
«ԱՄՆ-ի պահանջը վերաբերում է և՛ ուղևորներին, և՛ օդանավերի անձնակազմին: Մենք կատարել ենք անհրաժեշտ փոփոխությունները վերջին պահանջներին համապատասխան: Emirates ավիաընկերությունը շարունակում է ԱՄՆ-ի ուղղությամբ չվերթեր իրականացնել ըստ չվացուցակի», — ասել է ավիաընկերության ներկայացուցիչը:
Այն ուղևորները, որոնք տուժել են Թրամփի հրամանից, կարող են վերաամրագրել տոմսերը կամ փոխհատուցում ստանալ դրանք վերադարձնելու համար:
ԱՄՆ նախագահ Դոնալդ Թրամփը ուրբաթ հրաման էր ստորագրել, որի համաձայն՝ ԱՄՆ-ում 120 օրով կասեցվում է փախստականներին ընդունումը, արգելվում է սիրիացի փախստականների տեղավորումը անորոշ ժամանակով, խստացվում է Ամերիկա մուտք գործելու համար նախատեսված որոշակի կանոնները, ինչպես նաև 90 օրով կասեցվում է մուտքը այն երկրներից, որոնք առավելապես մուսուլմաններով են բնակեցված: Խոսքը Իրաքի, Իրանի, Սիրիայի, Սուդանի, Եմենի, Լիբիայի և Սոմալիի քաղաքացիների մուտքն արգելելու մասին է:
