ԵՐԵՎԱՆ, 28 հունվարի — Sputnik. «Տորպեդո-ԲԵԼԱԶ»-ում լավ մթնոլորտ է տիրում, խաղացողների և մարզիչների միջև լավ հարաբերություններ են:
Հայ ֆուտբոլիստի խոսքով՝ «Տորպեդո-ԲԵԼԱԶ» տեղափոխվելու գլխավոր պատճառներից մեկն ավելի ուժեղ առաջնություն տեղափոխվելու, մեկ քայլ առաջ գնալու ցանկությունն է: Պակաս կարևոր դեր չի խաղացել այն փաստը, որը ակումբը ներկայացնում է Ժոդինո քաղաքը:
«Բանն այն է, որ ես 4 տարի ապրել եմ Ժոդինոյում, այստեղ մանկապարտեզ եմ գնացել, նախնական դասարան: Իհարկե, քաղաքը լավ չեմ հիշում, բայց լինում է, երբ անցնում եմ ինչ-որ բակերի կամ տների կողքով, ինչ-որ բաներ սկսում են հիշեցնել, որ այստեղ եղել եմ: Մի խոսքով, ինձ շատ ոգեշնչեց փաստը, որ ինձ հրավիրում են մի քաղաքի թիմ, որտեղ ես ժամանակին ապրել եմ, և հենց այստեղից կուզենայի սկսել իմ արտասահմանյան կարիերան», — ասել է Հովհաննիսյանը:
Ֆուտբոլիստը խոստովանել է, որ իրեն դուր է գալիս հարձակվողի դիրքը, բայց պատրաստ է խաղալ այնտեղ, որտեղ կորոշի մարզիչը:
«Ինձ համար կարևորն այն է, թե որտեղ է ինձ տեսնում մարզիչը, և որտեղ ես կարող եմ ավելի շատ օգուտ տալ: Եթե ինձ ասեն, հանուն թիմի պետք է կանգնեմ դարպասին, ապա դարպասապահի դիրքում էլ կխաղամ», — նշել է ֆուտբոլիստը՝ հավելելով, որ ուժերը կներդնի 100 տոկոսով ու մի բան էլ ավելի:
