ԱԻՄ առաջնորդ Պարույր Հայրիկյանը կարծում է, որ մի նախագահական վերջին ընտրության ժամանակ իր հանդեպ մահափորձ կատարվեց, որովհետև նրա հեղինակությունը շատ էր բարձրացել, որոշեցին այդ կերպ խոչընդոտել քաղաքական վերելքին։
Sputnik Արմենիայի հետ զրույցում նա հերյուրանք որակեց այն ժամանակ տարածված լուրերը, թե իբր՝ Հայրիկյանն ինքն է կազմակերպել, որ կրակեն վրան։
Անկախ այդ ամենից՝ Պարույր Հայրիկյանը մասնակցելու է Խորհրդարանի ընտրությանը։ Նա վստահեցրեց, որ գործընկերների հետ կանի ամեն ինչ՝ ազգին օգուտ տալու համար։
Հիշեցնենք, որ ԱԻՄ-ը միանում է պաշտպանության նախկին նախարար Սեյրան Օհանյանի, Հայաստանի դեմոկրատական կուսակցության նախագահ Արամ Սարգսյանի, Հայաստանի նախագահի աշխատակազմի ղեկավարի նախկին տեղակալ Վիկտոր Դալլաքյանի և նախկին արտգործնախարար Վարդան Օսկանյանի նախընտրական համագործակցությանը։
Զրույցը վարեց Աննա Վարդանյանը։
