ԵՐԵՎԱՆ, 25 հունվարի — Sputnik. Հունվարի 25-ին, ժամը 13.24-ին ահազանգ է ստացվել, որ Երևան քաղաքի Դավթաշենի 2-րդ թաղամասի թիվ 39 շենքի բնակարաններից մեկի բնակիչը չի արձագանքում դռան թակոցներին և հեռախոսազանգերին. անհրաժեշտ է փրկարարների օգնությունը: Այս մասին տեղեկացնում է ՀՀ ԱԻՆ լրատվական ծառայությունը։
Դեպքի վայր է մեկնել մեկ մարտական հաշվարկ և ճգնաժամային կառավարման ազգային կենտրոնի օպերատիվ խումբը:
Փրկարարները բացել են բնակարանի դուռը և պատշգամբի հատակին հայտնաբերել 1955 թ. ծնված Ռամիկ Ֆարաշյանի դին: Նախնական տվյալներով մահը վրա է հասել բնակարանում տեղի ունեցած պայթյունի պատճառով, որի ձայնը լսել են հարևանները։
Լրատվամիջոցների տեղեկացմամբ` Ռամիկ Ֆարաշյանն ազատամարտիկ է եղել։
