ԵՐԵՎԱՆ, 25 հունվարի — Sputnik. Հայաստանի ուժեղագույն շախմատիստ Լևոն Արոնյանը Հոլանդական Վեյկ Ան Զեե քաղաքում ընթացող Tata Steel Chess մրցաշարի 10-րդ տուրում սպիտակներով հաղթել է Ռիչարդ Ռապորտին: 20-ամյա հունգարացին իր պարտությունն ընդունել է 28-րդ քայլում, գրում է armsport.am-ը:
Այս հաղթանակի շնորհիվ Արոնյանը վաստակել է 6 միավոր: Առաջատարն է ամերիկացի Ուեսլի Սոն, որն այս տուրում լեհ Ռադոսլավ Վոյտաշեկին հաղթելու շնորհիվ ունի 7 միավոր:
Հոլանդացի Անիշ Գիրին ոչ-ոքի է խաղացել իր հայրենակից Լյուկ վան Վելիի հետ:
Ընթանում են նաև Սերգեյ Կարյակին — Դմիտրի Անդրեյկին, Բասկարան Ադհիբան — Յան Նեպոմնյաշչի, Պենտալա Հարիկրիշնա — Մագնուս Կարլսեն, Պավել Էլյանով — Յի Վեյ պարտիաները:
