ԵՐԵՎԱՆ, 24 հունվարի — Sputnik. RT հեռուստաընկերության գլխավոր խմբագիր Մարգարիտա Սիմոնյանը մեկնաբանել է Ալեքսանդր Ռուբինշտեյնին ձերբակալելու փաստը։ ԱՄՆ-ում ձերբակալված թղթակցին 10 տարվա ազատազրկում և խոշոր տուգանք է սպառնում։
Սիմոնյանի խոսքով` այս գործով զբաղվում են փաստաբանները։
По поводу нашего журналиста, арестованного на протестах в Штатах. Наши юристы просят пока ничего не комментировать.Ради него.Поэтому молчим.
— Маргарита Симоньян (@M_Simonyan) 24 января 2017 г.
ԱՄՆ նախագահ Դոնալդ Թրամփի երդմնակալության արարողության ժամանակ RT-ի թղթակից Ալեքսանդր Ռուբինշտեյնը լուսաբանում էր Վաշինգտոնում կազմակերպված բողոքի ցույցերը։ Ոստիկանության աշխատակիցները նրան տարել էին բաժանմունք, թեև նա ներկայացրել էր իր մասնագիտությունը հաստատող փաստաթուղթը։
ԱՄՆ-ում Ռուբինշտեյնի նկատմամբ գործ է հարուցվել` զանգվածային անկարգությունների մասնակցելու մեղադրանքով, այսինքն նրան առավելագույնը 10 տարվա ազատազրկում և 25 հազար դոլար տուգանք է նախատեսված։
