ԵՐԵՎԱՆ, 24 հունվարի — Sputnik. Հայաստանի Հանրապետության կառավարության ղեկավար Կարեն Կարապետյանն իր ռուս գործընկերոջը` Դմիտրի Մեդվեդևին, հրավիրեց 2017 թվականի ընթացքում պաշտոնական այցով գալ Երևան։
«Դմիտրի Անատոլիևիչ, առիթից օգտվելով, ցանկանում եմ Ձեզ պաշտոնական այցով հրավիրել Երևան։ Կարծում եմ` այն վեկտորները, որոնք Դուք նշեցիք, և այն ինչ չնշվեց այս մամուլի ասուլիսի ընթացքում, մենք կքննարկենք ապագայում։ Համոզված եմ, որ ամեն ինչ լավ կլինի», — ասել է Կարապետյանը։
«Դժվար է չհամաձայնել, ես համոզված եմ, որ ամեն ինչ լավ կլինի», — պատասխանել է Մեդվեդևը։
Կարեն Կարապետյանը շնորհակալություն է հայտնել ռուս վարչապետին` կառուցողական և արդյունավետ հանդիպման համար։
