Արսեն Մկրտչյան. Ընտրություններ
Փաստաբանների պալատի խորհրդի ընտրություններն իրենց ինտրիգներով ու բարդությամբ չեն զիջի ապրիլյան խորհրդարանական ընտրություններին: Sputnik Արմենիայի հարցին ի պատասխան ասաց փաստաբան Արսեն Մկրտչյանը, ով պատրաստվում է առաջիկայում իր թեկնածությունն առաջադրել այդ ընտրություններում:
«Իմ կարծիքով, սրանք ավելի դժվար ընտրություններ են, քան ԱԺ ընտրությունները, որովհետև ընտրողները իրավաբանական կրթությամբ, փաստաբանական ստաժ ունեցող, գրագետ մարդիկ են, և նրանց ինչ-որ բանով շահագրգռելը շատ դժվար է»,- ասաց Մկրտչյանը և կեսկատակ ավելացրեց,- «Կաշառք առաջարկելն էլ անիմաստ է, քանի որ հոնորարների չափերը չափազանց մեծ են»:
Իսկ արդար մրցակցության արդյունքում ընտրվելու հույս Մկրտչյանն ունի, քանի որ կարծում է, որ նոր խոսք ունի ասելու ՓՊ-ում:
