ԵՐԵՎԱՆ, 22 հունվարի — Sputnik. Հայտնի երգչուհի և դերասանուհի, 34-ամյա Աննա Սեդակովան երկրպագուներին ներկայացրել է հայկական «Միկադո» տորթի բաղադրատոմսը: Instagram-ի նրա էջում հայտնվել է համապատասխան հրապարակում: Սեդակովան նախօրեին տեղադրել էր մի կտոր տորթի լուսանկար՝ պատված շոկոլադով և զարդարված ելակով:
Գրառման մեկնաբանություններում «ՎԻԱ Գրայի» նախկին մեներգչուհին պատմել է, որ շաբաթ օրը նրա դուստրը՝ Մոնիկան, գնացել է եկեղեցական դպրոց, մյուս աղջիկը՝ Ալինան, հաճախելու է թատերական վարպետության դասի: Աննան գրել է նաև, որ շարունակում է զբաղվել ռեժիսուրայով և երաժշտությամբ: «Բայց երեկոյան մենք ազատ ենք և միասին համեղ բաներ ենք պատրաստում: Ահա, թե ինչ եմ ցանկանում պատրաստել այսօր՝ հայկական «Միկադո» տորթ», — գրել է Սեդակովան:
Նա տեղադրել է նաև տորթի բաղադրատոմսը և անհրաժեշտ բաղադրիչների ցուցակը: Օգտատերերի շարքում եղել են մարդիկ, որոնց ծանոթ է եղել այս թխվածքը:
«Միկադոն շատ համեղ տորթ է: Ճիշտ է, շատ քաղցր է, բայց իմ ամենասիրելի տորթերից է»,
«Հիանալի է, Անեչկա: Սպասում ենք Ձեր սիրելի բաղադրատոմսերին՝ առօրյայի և տոների համար»,
«Աննա, հավատս չի գալիս, որ նման հմուտ ձեռքեր ունես», — գրել են օգտատերերը:
