ԵՐԵՎԱՆ, 22 հունվարի — Sputnik. Արտաշես (Տաշ) Սարգսյանը հունվարի վերջին կլքի «Матч-ТВ» սպորտային հեռարձակումների ալիքի գլխավոր խմբագրի պաշտոնը, հաղորդում է m24.ru-ն՝ հղում անելով հեռուստաալիքի աղբյուրին:
Ինչպես պնդում է հրատարակությունը, հունվարի 27-ը կլինի նրա վերջին աշխատանքային օրը: Total Football ամսագրի նախկին գլխավոր խմբագիրը «Матч-ТВ»-ում է 2015թ-ի աշնանից: Նա կոլեկտիվին արդեն հայտնել է իր հեռանալու մասին:
Տաշ Սարգսյանը ռուսաստանցի պրոդյուսեր է, դերասան, հաղորդավար, «Քոմեդի քլաբի» հիմնադիրներից, «Նոր հայեր» ՈՒՀԱ-ի թիմի անդամ: 2016թ-ի օգոստոսին՝ 2016թ-ի Օլիմպիական խաղերից հետո, «Մատչ ՏՎ» ալիքի տեղեկատական ծառայության պրոդյուսեր Ալեքսանդր Կուզմակը լքել էր պաշտոնը: Հեռուստաալիքի գլխավոր պրոդյուսերը հաղորդավար, պրոդյուսեր և ՏՏ-տեխնոլոգ Թինա Կանդելակին է: Կրեատիվ տնօրեն է դարձել «Դոմաշնի» հեռուստաալիքի նախկին գլխավոր տնօրեն Նատալյա Բիլանը:
