ԵՐԵՎԱՆ, 21 հունվարի — Sputnik. Նախօրեին անցկացրած վեցերորդ տուրում Լևոն Արոնյանը կարծես մրցում էր իր ամենահզոր մրցակցի հետ` աշխարհի գործող չեմպիոն Մագնուս Կարլսենի հետ: Պարտիան, որում հայ շախմատիստը սպիտակներով էր խաղում, ավարտվեց ոչ-ոքի` 30-րդ քայլի վրա:
Արոնյանը վեց տուրերից հետո 3,5 միավորով կիսում է 4-6 տեղերը հոլանդացի Անիշ Գիրիի և չինացի Վեյ Յիի հետ: Հայ գրոսմայստերը մի փոքր հետ է նորվեգիացի Կարլսենից և ուկրաինացի Պավել Էլյանովից, որոնք կիսում են 2-րդ տեղը, և մեկ միավորով առաջատար դիրք զբաղեցնող ամերիկացի Ուեսլի Սոից:
Արոնյանը յոթերորդ տուրում կմրցի ռուս Սերգեյ Կարյակինի հետ, որը վերջերս պայքարում էր շախմատային թագի համար:
