ԵՐԵՎԱՆ, 20 հունվարի — Sputnik. Կրեմլում սարսափ չեն ապրում աշխարհում տիրող աշխարհաքաղաքական իրավիճակից, հայտարարել է ՌԴ նախագահի մամուլի քարտուղար Դմիտրի Պեսկովը: Այս մասին հայտնում է ՌԻԱ Նովոստին:
«Մենք չգիտենք, թե ինչպես է Դավոսում, բայց մեզ մոտ՝ Մոսկվայում, ամեն ինչ նորմալ է, սարսափ չկա, աշխատում ենք», — ասել է Պեսկովը լրագրողներին:
ՌԴ նախագահի մամուլի քարտուղարը մեկնաբանել է «Ռոսնանոյի» ղեկավար Անատոլի Չուբայսի հայտարարությունն այն մասին, որ Դավոսի համաժողովի մասնակիցները սարսափում են աշխարհում տիրող աշխարհաքաղաքական իրավիճակից: Համաժողովի որոշ մասնակիցների կարծիքով՝ ԱՄՆ նախագահԴոնալդ Թրամփի պաշտոնավարումը միջազգային իրադրության ապակայունացման կհանգեցնի:
