ԵՐԵՎԱՆ, 20 հունվարի – Sputnik. Հայաստան — Ուզբեկստան ընկերական հանդիպումը, որը նախատեսված էր անցկացնել փետրվարի 12-ին թուրքական Անթալիա քաղաքում, տեղի չի ունենա, հաղորդում է Ուզբեկստանի ֆուտբոլի ֆեդերացիայի պաշտոնական կայքը:
Հանդիպումը նախատեսված էր անցկացնել Թուրքիայում, սակայն ՀՖՖ-ն այն որոշել է չեղյալ համարել Թուրքիայում առկա քաղաքական անկայուն վիճակի պատճառով և ներողություն է խնդրել Ուզբեկստանի ֆեդերացիային պատճառած անհարմարության համար:
ՀՖՖ-ի պաշտոնական կայքում ոչ մի տեղեկություն չկա այդ մասին:
