ԵՐԵՎԱՆ, 20 հունվարի — Sputnik. RT-ն հայտնում է, որ ԱՄՆ-ում ձերբակալել են հեռուստաընկերության թղթակցին, որը լուսաբանում էր ԱՄՆ-ի նորընտիր նախագահ Դոնալդ Թրամփի երդմնակալության արարողության ժամանակ Վաշինգտոնում անցկացվող բողոքի ակցիաները:
«Նա ձերբակալվել է և տեղափոխվել ոստիկանության բաժին, թեև ցույց է տվել լրագրողի վկայականը», — նշվում է հեռուստաընկերության կայքում:
ԱՄՆ-ում բողոքի ակցիաները սկսվել են նախագահական ընտրությունների հաջորդ օրը: Երկրի խոշոր քաղաքներում մի շարք անկարգություններ են գրանցվել:
