ԵՐԵՎԱՆ, 20 հունվարի — Sputnik. Մամուլի ազգային ակումբի շենքի մոտ, որտեղ Թրամփի կողմնակիցները հավաքվել էին երդմնակալության նախաշեմի հանդիսավոր ընթրիքին մասնակցելու, տեղի են ունեցել բախումներ: Այս մասին հաղորդում է DW-ն:
Ոստիկանությունն արցունքաբեր գազ եւ մահակներ է կիրառել, իսկ ցուցարարները ծխաբեր միջոցներ են օգտագործել: Նախնական տվյալներով` առնվազն մեկ ցուցարար վիրավորվել է:
Ավելի վաղ Թրամփի դեմ բազմահազարանոց ցույց է անցկացվել Նյու Յորքում: Դրան մասնակցել են նաեւ բարձրաստիճան քաղաքական գործիչներ և հոլիվուդյան աստղեր:
