ԵՐԵՎԱՆ, 19 հունվարի — Sputnik. ՀՀ վարչապետ Կարեն Կարապետյանը բոլոր գերատեսչություններին, կոմիտեներին հանձնարարեց հաջորդ շաբաթ հանրությանը հաշվետվություն տալ այն մասին, թե 2017 թվականին ինչ ներդրումներ են ակնկալում իրենց ոլորտներում ։
«Ներդրումների աղբյուրը կարող է լինել տարբեր` վարկային, բյուջե և այլն։ Մենք խոսելու ենք յուրաքանչյուրի հետ, ձեր ներկայացման հիման վրա մենք ամփոփ կներկայացնենք` կառավարությունն ինչ ներդրումային ծրագիր է ստանում»,-ասաց նա։
Վարչապետ Կարապետյանը կարծիք հայտնեց, որ հասարակությունը պարբերաբար պետք է հաղորդակից լինի այս գործընթացին։
