ԵՐԵՎԱՆ, 19 հունվարի-Sputnik. Արաբական Միացյալ Էմիրությունների հետ քաղաքացիների մուտքի արտոնագրի վերացման մասին համաձայնագրի կնքման նախագիծը ներկայացրեց ՀՀ արտգործնախարարի տեղակալ Շավարշ Քոչարյանը։ Նա ասաց, որ նախագիծը նպատակ ունի զարգացնել տուրիզմն ու գործարար համագործակցությունը։
«Փաստաթղթի կնքումը համապատասխանում է ՀՀ արտաքին քաղաքականությանը և ստանձնած միջազգային պարտավորություններին»,-ասաց նա։
Հիշեցնենք, որ կառավարության նախորդ նիստի ընթացքում էլ որոշում էր կայացվել հյուպատոսություն բացել Դուբայում, քանի այնտեղ բնակվող ՀՀ քաղաքացիների թիվը մեծանում է։
