ԵՐԵՎԱՆ, 18 հունվարի — Sputnik. ՌԴ քաղաքացի հայազգի Մ.Թ.-ն Մոսկվա-Երևան չվերթի օդանավի վայրէջքից հետո բերման է ենթարկվել «Զվարթնոց» օդանավակայանի ոստիկանություն:
Ոստիկանությունը ահազանգ է ստացել այն մասին, որ օդանավում կա անկարգ ուղևոր:
Մեկնած խումբը պարզել է, որ ուղևորը գտնվել է ալկոհոլի ազդեցության տակ, չի ենթարկվել ինքնաթիռի անձնակազմի օրինական պահանջներին, հայհոյանքներ ու սպառնալիքներ է տեղացել բորտուղեկցորդներին, սպառնացել հարվածել նրանց։
