ԵՐԵՎԱՆ, 16 հունվարի — Sputnik. ԵՏՄ երկրներում միասնական արժույթի սահմանումը ոչ թե ուտոպիա է, այլ` հակաուտոպիա, Մոսկվա-Աստանա-Երևան-Մինսկ մուլտիմեդիոն մամուլի ասուլիսի ընթացքում ասաց ԵՏՀ ինտեգրման և մակրոէկոնոմիկայի կոլեգիայի (նախարարի) անդամ Տատյանա Վալովայան։
Նրա խոսքով` ԵՏՄ-ն այժմ միասնական արժույթ սահմանելու կարիք չունի, քանի որ ոչ նախադրյալներ կան, ոչ էլ դրա անհրաժեշտությունը։
«Ինչո՞ւ ենք մենք այդ մասին խոսում այսքան պատասխանատվությամբ։ Մենք շատ ուշադիր ենք ուսումնասիրել Եվրոպական Միության փորձը։ Իհարկե, մենք կիրառում ենք որոշ կանոններ, սխեմաներ, մեխանիզմներ… Սակայն, բացի այդ, դասեր ենք քաղում այն սխալներից, որոնք թույլ է տվել ԵՄ-ն», — ասել է Վալովայան։
Նրա խոսքով` միասնական եվրոպական արժույթի կիրառման փորձը ցույց է տալիս, որ ԵՄ-ն դրան շատ հեշտ ճանապարհով է հասել։
Տարբեր գործոնները, Վալովայայի խոսքով, ցույց են տալիս, որ շատ քայլեր, որոնք ԵՄ-ն պետք է աներ միասնական արժույթ մտցնելուց առաջ, ստիպված էր անել հետո։
Վալովայան նշեց, որ այս պահին ԵՏՄ-ն զբաղվում է ընդհանուր ֆինանսական շուկա ստեղծելով։ Սա բավական հավակնոտ խնդիր է, որը մեծ տնտեսական արդյունք կտա։ Բացի այդ, ԵՏՀ նախարարի խոսքով, կարևոր է ապահովել անհրաժեշտ ֆինանսական կայունություն, որն իսկապես անհրաժեշտ է միասնական տնտեսական տարածքի համար։ Վալովայայի խոսքով` ԵՏՄ մակրոտնտեսական քաղաքականությունն ուղղված է արժութային փոխարժեքների տատանումների, արժութային շուկաների կտրուկ փոփոխությունների դեմ։
