ԵՐԵՎԱՆ, 16 հունվարի — Sputnik. Այժմ մինչև 16 տարեկան երեխաներին հին նմուշի անձնագիրը տրամադրվում է 3 տարի ժամկետով, սակայն մի քանի օրից այդ ժամկետը կփոխվի։
«Հին նմուշի անձնագիրը (առանց բիոմետրիկ տվյալների) մինչև 6 տարեկան երեխաներին տրամադրվելու է 3 տարի վավերականության ժամկետով, իսկ 6 տարեկանից մինչև 16 տարին լրացած քաղաքացիներին` 5 տարի վավերականության ժամկետով, բայց ոչ ավել քան 18 տարին լրանալը»,- Ֆեյսբուք սոցիալական ցանցում գրել է ՀՀ անձնագրային և վիզաների վարչության պետ Մնացական Բիչախչյանը:
Հիշեցնենք, որ նմանատիպ փոփոխություններ կատարվեցին նաև բիոմետրիկ անձնագրեր տրամադրելու ոլորտում:
