ԵՐԵՎԱՆ, 16 հունվարի — Sputnik. Մի քանի օրից ուժի մեջ է մտնելու անձնագրում օտարերկրյա պետությունում վավերականության նշում կատարելու վերաբերյալ նոր կարգ։ Այս մասին գրել է ՀՀ անձնագրային և վիզաների վարչության պետ Մնացական Բիչախչյանը։
Այժմ 16 տարին լրացած անձը անձնագիր ստանալու դիմումը ներկայացնում է անձամբ, սակայն եթե ցանկանում է հին նմուշի անձնագրում կատարել օտարերկրյա պետությունում վավերականության նշում, 16-18 տարեկան երեխաների դեպքում դիմելու է նրա ծնողը կամ ծնողի կողմից լիազորված անձը:
«Փոփոխության համաձայն` 16 տարին լրացած անձը կարողանալու է անձամբ ինքը դիմել անձնագրում վավերականության նշում կատարելու համար՝ առանց ծնողի կամ այլ օրինական ներկայացուցչի համաձայնության»,- նշել է Բիչախչյանը:
