ԵՐԵՎԱՆ, 15 հունվարի — Sputnik. Նոր տարվա առաջին օրը Ամերիկայի Այդահո նահանգի ֆերմերը դուրս էր եկել ձիերին կերակրելու և ջրամբարից քիչ հեռու երկաթե ձողին կպած սառած ճնճղուկ էր հայտնաբերել:
Ջրով լի տարայի մոտ ջեռուցման խողովակներ կան, որպեսզի ջուրը սառույցի չվերածվի, և ձիերը կարողանան հագեցնել ծարավը:
Ճնճղուկը հավանաբար թրջել է տոտիկներն ու կպել ձողին, ինչը զարմանալի չէ Այդահոյի սառնամանիքի պայմաններում:
«Ես փորձում էի տոտիկները տաքացնել ձեռքերիս ջերմությամբ՝ ամուր գրկելով ճնճղուկին: Բայց պարզվեց, որ շնչառությունս ավելի շուտ ցանկալի արդյունք տվեց», — ասում է ամերիկացի ֆերմերը:
Ի վերջո, ֆերմերը կարողացել է թռչնակին տաքացնել ու ազատել ցրտի գերությունից:
«Տարվա հիանալի սկիզբ»,- իր արարքից գոհ՝ գրում է Այդահոյի բնակիչը:
Տեսանյութը երկու շաբաթում ավելի քան 2 մլն դիտում է ունեցել:
